食食食:: 溫野菜

之前想同朋友去食又訂唔到枱，想排隊又要排成個鐘，就放棄左
今次早早就book左，可以試下有咩要值得甘多人排住隊去食

一入到店已經好有日本既感覺，而且有一陣濃濃既咖哩味
坐既位亦都係一格一格，唔怕隔離會嘈親你，
仲有抽風做得好好，唔會食完之後成身都係邊爐味

今次2個人食叫左2個1人前，
但係個分量多到。完。全，食。唔。哂！！
形式係一人一鍋，多幾個人仲可以試多幾個湯底
每人有4碟前菜，肉都係有4盆，
1個野菜籃，1個飯或者烏冬，再加多杯野飲
所以建議2個人叫一個餐再散叫其他配菜

 
 

而食到最尾有個小插曲，
話就分量真係太多食唔哂所以要拎走，
店員話。。因為熟食既條例要煮熟左先可以拎，
到走既時候問佢拎個袋。佢就報以一個都幾差既態度話，
我地無提供外賣服務，唔好意思無袋提供，
個一下真係有少少唔知俾咩反應佢，有盒但係無袋，
唔通佢地expect客人拎住2盒熟左既肉係銅鑼灣鬧市到行？
到最後請左shop manager黎，佢就態度非常好既，
解釋開店唔係太耐，有好多改進空間，
仲拎左個某某品牌既紙袋黎問我地介唔介意用住先，
個一刻就即刻gur哂，甘先係日本既服務態度。

除左依件事整體黎講都算幾滿意依間餐廳，可以再encore